Autore: Jona Kelmendi
U mblodhën përsëri këtë të hënë.
Me kërkesën e njëjtë punëtorët e Radiotelevizionit të Kosovës protestuan para Kuvendit te Kosovës.
Me pankarta në duar dhe me kërkesa të qarta, ata protestuan për mospagesën e pagave dhe mungesën e ekzekutimit të buxhetit për vitin 2025.
Punëtorët thonë se kjo vonesë po e rëndon gjendjen përditshmërisë së tyre.
“Situata është e tmerrshme, situata nuk falet nuk e di nuk kom fjalë me përshkrua se është katastrofë, që 25 vite jam duke punu e duke kontribu dhe mas 25 viteve me pas këtë problem, problemi është pak i madh nuk e kemi prit sidomos institucioni shtetëror që është”, ka thënë Diana Maliqi, redaktore në Radio Kosova.
E Kryetari i Shoqatës Sindikale të Radio Kosovës, Pajazit Krasniqi, tha që prej muajsh Radiotelevizioni i Kosovës po përballet me një situatë të rëndë, buxhetin për pjesën e dytë të vitit 2025, sipas tij ndonëse i miratuar me ligj, ende nuk është transferuar nga institucionet përgjegjëse.
“Edhe sot, kur kalendari shënon datën 10, ne punëtorët e Radio Televizionit të Kosovës, ende nuk i kemi marrë pagat për muajin tetor. Kjo është hera e dytë që punëtorët e Radio Televizionit të Kosovës, mbi 700 punëtorë, përballen me një situatë të tillë, dhe kjo situatë po ndodh në një periudhë jashtëzakonisht të ndjeshme e të ngarkuar për punëtorët e Radio Televizionit të Kosovës”, tha Pajzait Krasniqi – Kryetar i Shoqatës sindikale të Radio Kosovës.
Pas përfundimit protestës dikush e pati një kërkesë për Kryeparlamentarin e Kuvendit të Kosovës, i cili doli të flasë me protestuesit.
E Basha pati një kërkesë për partitë tjera.
Në Radio Televizionin e Kosovës ekzistojnë tri sindikata që përfaqësojnë punëtorët e transmetuesit publik: Sindikata e Pavarur e RTK-së; Shoqata Sindikale e Radio Kosovës; dhe Sindikata e Punëtorëve të RTK-së. Edhe me 6 nëntor ka qenë protesta e fundit e mbajtur nga Sindikata e Punëtorëve po për të njëjtën arsye.
