Pas përfundimit të garës zgjedhore për kryetar të Prishtinës, kandidati i Lëvizjes së Vetëvendosjes, Hajrulla Çeku ka falënderuar qytetarët e Prishtinës për përkrahjen ndaj tij gjatë fushatës zgjedhore.
Ai shprehu mirënjohjen e tij për çdo votë dhe mbështetje që ka marrë gjatë fushatës, duke theksuar se kjo ka qenë një përvojë e jashtëzakonshme dhe një shenjë e fuqisë së bashkimit për ndryshim.
Çeku uroi gjithashtu kryetarin e ri të zgjedhur, Përparim Ramën, duke i shprehur dëshirën që Prishtina të dalë nga kaosi dhe të ecë drejt një të ardhmeje më të ndritur.
Ai theksoi angazhimin e tij të vazhdueshëm për qytetin dhe qytetarët, duke konfirmuar se do të jetë gjithmonë në shërbim të Prishtinës, duke mbajtur lart vlerat e përkushtimit dhe dashurisë për këtë qytet.
Në fund, ai falënderoi ekipin e Lëvizjes së Vetëvendosjes, aktivistët, vullnetarët dhe gjithë ata që kanë kontribuar gjatë fushatës, duke theksuar se rrugëtimi për një Prishtinë më të mirë do të vazhdojë, me besim dhe angazhim për një të ardhme më të shndritshme për qytetin dhe qytetarët./teve1.info/
