Ministri në detyrë i Mbrojtjes, Ejup Maqedonci, dhe presidentja e Kosovës, Vjosa Osmani, zhvilluan sot homazhe në kujtim të 14 ushtarëve britanikë që humbën jetën gjatë shërbimit të tyre në Kosovë.
Ceremonia përkujtimore u mbajt pranë pllakës përkujtimore në sheshin “Edit Durham” në Prishtinë.
Në këtë aktivitet, i cili nderoi sakrificën e ushtarëve britanikë, morën pjesë gjithashtu zëvendëskomandanti i FSK-së, gjenerali Enver Cikaqi, komandanti i KFOR-it, gjenerali Özkan Ulutaş, si dhe ambasadori i Britanisë së Madhe në Kosovë, Jonathan Hargreaves, bashkë me diplomatë të tjerë të pranishëm.
Maqedonci e cilësoi këtë ngjarje si një shenjë mirënjohjeje për sakrificën e ushtarëve britanikë në misionin për paqe dhe stabilitet në Kosovë.
“Britania e Madhe mbetet mike e përhershme dhe aleate e çmuar e vendit tonë. Lavdi dhe mirënjohje të përjetshme”, deklaroi Maqedonci.
