Kryeministri në detyrë i Republikës së Kosovës, Albin Kurti, ka ushtruar të drejtën e tij të votës në Fakultetin Juridik në Prishtinë.
Pas votimit, Kurti e ka cilësuar këtë ditë si një ditë të mirë për demokracinë dhe vullnetin e lirë të qytetarëve, duke u bërë thirrje të gjithë qytetarëve që të marrin pjesë në procesin zgjedhor.
“Ditë e mirë për demokracinë dhe vullnetin e lirë. U bëj thirrje të gjithë qytetarëve me të drejtë vote që ta shfrytëzojnë rastin dhe të bëhen pjesëmarrës e vendimmarrës për kryetarët e komunave, dhe kësisoj për katërvjeçarin në vijim, për ata si banorë në komunat e Republikës”, tha Kurti pas votimit.
I pyetur për qëndrimin e tij të vazhdueshëm në Mitrovicë, Kurti tha se gjatë kësaj fushatë ka punuar me tri ndërrime dhe se është përpjekur të vëzhgoj përgatitjet për zgjedhje.
“Gjatë kësaj fushate unë kam punuar në tri ndërrime anë e mbanë Komunave të Kosovës. Jam përpjekur të vëzhgoj të gjitha përgatitjet për zgjedhje. Zgjedhjet komunale janë jo më pak të rëndësishme sesa ato parlamentare e qëndrore. Tejet e rëndësishme për mirëqenien e dinjitetin, dhe cilësinë e jetesës së qytetarëve. Fletëvotimi ishte i thjeshtë i kishte vetëm dy emra. Njëri prej tyre medeomos do të fitoj në mbrëmje”, deklaroi Kurti para mediave.
