Në “Info Nata” në Tëvë 1, Mazreku theksoi se në një kohë jo shumë të largët do të shqyrtohen aplikacionet.
“Unë besoj që në një kohë jo shumë të largët, duke i respektuar afatet e aplikimeve, pastaj normal nuk është më çështje e BKS-së se kur do të mbahen takimet e radhës, si dhe të shqyrtohen aplikacionet. Unë besoj se do ta bëjmë një zgjidhje goxha si shpejt”, tha ai.
Mazreku po ashtu potencoi edhe benefitet që përfiton Kosova nëse anëtarësohet në Kartonin e Gjelbër.
“Ka shumë bashkatdhetarë që vijnë në Kosovë dhe nuk e kanë të vendosur shtetin e Kosovës në mbulesën territoriale, që i bie që të gjitha dëmet që shkaktohen në Kosovë nga një qytetar që vjen nga Gjermania, Mali i Zi, Franca e të tjera, nuk i mbulon dëmet që shkaktohen në territorin e Republikës së Kosovës. E që i bie që këta bashkatdhetarë duhet të paguajnë një policë kufitare. Në momentin që ne bëhemi e këtij Kartoni të Gjelbër, ne si qytetarë e blejmë një Karton të Gjelbër dhe kudo që udhëtojmë nëpër Evropë, i mbulon dëmet që ne i shkaktojmë atje”, tha ai. /Teve1.info/