Sipas IHMK-së, do të ketë mot me intervale të shkurta me diell dhe vranësira të cilat gjatë ditës do të shoqërohen me reshje shiu me stuhi dhe shkarkime rrufesh, shkruan teve1.info
Në njoftim theksohet se reshjet me intensitet më të lartë priten në jug, jugperëndim, perëndim dhe veriperëndim të vendit.
“Në vende të kufizuara ekziston rrezik për breshër. Temperaturat minimale do të lëvizin ndërmjet 11-14 gradë Celsius, ndërsa maksimalet e ditës parashihen të lëvizin ndërmjet 20-24 gradë Celsius. Do të fryjë erë nga juglindja, perëndimi dhe jugperëndimi e lehtë dhe lokalisht e fortë”, thuhet në njoftim.
Po ashtu, IHMK-ja apelon tek qytetaret që në kohën kur fillojnë reshjet me stuhi, të qëndrojnë brenda lokaleve, shtëpive dhe vendeve tjera të sigurta. Sipas tyre, për shkak të reshjeve të shpejta, qytetet mund të kenë problem me vërshime. /Teve1.info/
