Çmimet në Kosovë po vazhdojnë të rriten.
Lufta në Ukrainë, kriza e dy viteve të fundit me pandeminë, si dhe shtrenjtimi i derivative të naftës dhe energjisë, besohet se po ndikojnë në mënyrë zingjirore në inflacion.
Qytetarët shprehin shqetësime, ngase qarkulllimi me makina po bëhet gjithnjë e më i shtrenjtë.
Përderisa jeta po bëhet gjithnjë e më e shtrenjtë, qytetarët kërkojnë masa nga Qeveria e vendit.
Deputeti i Partisë Demokratike të Kosovës Ferat Shala, duke lënë anash faktorët e jashtëm, kritikon edhe politikat qeverisëse për menaxhimin e situatës.
“Ne nuk mund t’i zgjedhim ose t’i parandalojmë faktorët e jashtëm, siç është kriza globale apo luftërat në Ukrainë, e kështu me radhë, që kanë vështirësu apo ndërpre linjat e furnizimit, por faktorët e brendshëm janë paaftësia politike organizative dhe menaxhuese e institucioneve të shtetit për me kriju situatë të kontrolluar”, thotë Shala.
Ndërkaq Profesori i Ekonomisë Musë Limani, thotë se inflacioni nuk e ka përfshi vetëm Kosovën, pasi që bëhet fjalë për një krizë botërore.
“Si faktor kryesor janë çrregullirat e rrjedhave ekonomike, qoftë në kuadër të ekonomisë në Kosovë, por edhe në masa ndërkombëtare, prandaj inflacioni e ka përfshi botën, kështu që edhe Kosova do të thotë ndikohet nga inflacioni i tregut ndërkombëtar pasi që Kosova dikund 80 përqind të mirave materiale i importon nga jashtë”, thotë Limani.
Qeveria e Kosovës, deri më tani, ka ndërmarrë disa hapa simbolik, por të cilët nuk po mjaftojnë për të përballuar inflacionin në rritje.
Kronika e realizuar nga gazetarja Furtuna Zejnullahu.