Kandidati i Lëvizjes Vetëvendosje për kryetar të Vushtrrisë, Sylejman Meholli i ka quajtur shpije akuzuat e kandidatit të PDK-së, Ferit Idrizi për kërcënim.
Meholli ka thënë se Idrizi me të cilin do të ballafaqohet në raundin e dytë të garës për kryetar, nga paniku i koalicionit me LDK-në, ka filluar të inskenoi situata se është kërcënuar.
Ai në emisionin “Mesditë” në Tëvë1 ka thënë se pretendimet e Idrizit janë hedhur poshtë edhe nga policia dhe prokurori kujdestar.
“Pas koalicionit të madh e të fitore në Vushtrri, presioni dhe tensioni ju rrit kundërshtarit politik dhe nga paniku fillojë ta humb arsyen. Provoi që gjatë emisionit ‘Jeta në Kosovë” të kërcënojë e ofendojë, pastaj humbi debatin, inskenoi situata se gjoja është kërcënuar, thirri edhe PK e cila më ftoi si dëshmitar në asnjë rast si i dyshuar dhe prokurori kujdestar e hudhi poshtë pretendimin e tij. Për keqardhje jashtë çdo etike filloi të shpifë ndaj meje”, ka thënë ai.
Kryetari i Vushtrrisë do të zgjedhjet më 9 nëntor në raundin e dytë, ku në garë janë Ferit Idrizi dhe Syleman Meholli
Më 12 tetor, Idrizi mori 13,799 vota apo 45.24%, ndërsa Meholli, 399 vota apo 30.81%.
