Asamblisti i LVV-së në Prishtinë, Gzim Sveçla, ka folur në emisionin “Ditari” në Tëvë1 për rastin e punëtorëve të ndërmarrjes gjelbërt, duke komentuar padinë që ish-drejtori i Prishtinës, Përparim Rama, ka iniciuar ndaj Muratit për bllokimin e buxhetit.
Svecla tha se problemet me pagesat e punëtorëve nuk lidhen me qeverinë qendrore, por me menaxhimin lokal:
“Në deklarimin e z. Rama e vërtet është se ka të bëjë me punëtorët e ndërmarrjes gjelbërt që janë pa paga, ndërkohë që gjithë deklarata tjetër është e pavërtetë plotësisht. Fajtori kryesor pse punëtorët e ndërmarrjes së gjelbërt janë pa paga është Rama dhe ekzekutivi i Prishtinës, për shkak se nuk kanë arritur që t’i bëjnë pagesat të cilat u takojnë punëtorëve për punët që kjo ndërmarrje i kryen në shërbim të qytetit,” tha Sveçla.
Ai theksoi se të gjitha ndërmarrjet komunale janë pjesë e komunës dhe qeveria qendrore nuk ka kompetenca për pagesat e punëtorëve:
“Duhet theksuar se të gjitha ndërmarrjet komunale janë pjesë e komunës së Prishtinës dhe qeveria qendrore nuk ka asnjë kompetencë,” shtoi ai.
Sveçla komentoi edhe motivet pas narracionit të viktimizimit të përdorur nga Rama:
“Këtë narrativ të viktimizimit e ka zgjedhur Rama pasi ka frikë nga humbja e këtyre zgjedhjeve, edhe që është e ditur se do t’i humbë,” theksoi asamblisti.
