Studentët që udhëtonin nga Novi Pazar u ndaluan tetë kilometra larg Kosjeriçit nga policia serbe, një veprim që ka shkaktuar reagime nga qytetarët lokalë dhe studentët vetë.
Kolona e studentëve u ndalua nga një automjet policor me sinjalizues ndezur dhe me dy policë civilë. Pas pak minutash, mbërritën edhe dy vetura të njësisë së intervenimit, raporton N1.
Pas kontrollit të automjeteve, policët u tërhoqën në veturat e tyre.
Qytetarët e Kosjeriçit reaguan menjëherë ndaj veprimeve të policisë. Një qytetar tha:
“Kur (Milan) Radoiçiq vinte me njerëz të armatosur dhe bllokonte tërë rrugën, asnjë polic nuk doli, nuk kishte polic askund për dhjetë ditë. O njerëz, çfarë po ndodh? Çfarë mendojnë ata? Ku janë inspektorët tanë? Po malltretojnë fëmijët sonte.”
Edhe një qytetare e Kosjeriçit komentoi:
“Policia nuk ia arriti qëllimit për të cilën gjë u përpoqën të bënin sonte.”
Studentët më pas vazhduan rrugën drejt Kosjeriçit. Një nga studentët që po udhëtonte drejt Novi Sadit tha:
“Ajo që po ndodh është një turp i madh.”
Ngjarjet ndodhin ndërsa Milan Radoiçiq është në kërkim nga drejtësia në Kosovë për sulmin terrorist në Banjskë të Zveçanit, ku mbeti i vrarë polici kosovar, Afrim Bunjaku.
Ndërkohë, studentët dhe qytetarët kanë paralajmëruar një protestë të madhe më 1 nëntor kundër pushtetit të presidentit serb, Aleksandar Vuçiq.
