Policia e Kosovës ka njoftuar se ka arrestuar të kërkuarin për vrasjen në fshatin Llapashticë e Epërme të Podujevës, që kishte ndodhur më 6 shtator 2025.
Ai sipas PK-së është arrestuar të enjten nga Drejtoria e Policisë së Kryeqytetit, më konkretisht nga zyrtarë të Stacionit Policor Veriu në Prishtinë.
“Njësitet policore kanë ndërmarrë një operacion në Prishtinë, i cili ka rezultuar me arrestimin e personit të dyshuar, A.H, mashkull, 31 vjeç, shtetas i Republikës së Kosovës, i cili ishte i shpallur në kërkim nën dyshimin e bazuar për përfshirje në veprën në fjalë. Veprimet e mëtejme lidhur me personin e dyshuar do të merren në koordinim me Prokurorin e Shtetit”, ka njoftuar policia.
