Një person ka mbetur i lënduar si pasojë e një eksplodimi të një bombole të gazit në afërsi të një pompe derivatesh në rrugën Kaçanik – Ferizaj.
Lajmin për tëvë1.info e ka konfirmuar zëdhënësi i policisë për rajonin e Ferizajt, Kanun Veseli i cili tha se personi i lënduar është dërguar në QKUK.
Madje, ai ka deklaruar se nga ky incident janë shkaktuar dëme të mëdha materiale në fabrikën për mbushjen e bombolave të oksigjenit.
Tutje, Veseli ka bërë të ditur se njësitet policore dhe ekipet relevante po ndërmarrin veprimet hetimore për ndriçimin e plotë të rastit.
“Sot rreth orës 11:40, jemi njoftuar se në afërsi të një pompës së derivateve në rrugën magjistrale, Kaçanik – Ferizaj, në fshatin Nikaj ka ndodhur një eksplodim, dyshohet bombol e gasit. Janë njoftuar edhe shërbimet emergjente mjekësore dhe njësia e zjarrfikësve, të cilët kanë dalë në vendin e ngjarjes. Në këtë rast një person është i lënduar, ndërsa janë shkaktuar dëme të mëdha materiale në fabrikën për mbushje të bombolave të oksigjenit. Personi i lënduar pas ndihmës së parë në Kaçanik është dërguar në QKUK-Prishtinë”, thuhet në përgjigjen e Veselit./teve1.info/
