Në “Këndi i Debatit” në Tëvë 1, Arifi thotë se Ballkani i Hapur është edhe shou medial i liderëve të cilët, siç thotë ai, nuk kanë arritur që brenda vendit të vet të krijojnë një stabilitet dhe mirëqenie për qytetarët e vet.
“Dhe tash duke kamofluar kinse edhe për shkak të refuzimit të BE-së dhe këtë duhet ta themi, për të kamufluar të gjitha këto dështime pothuajse në të gjitha vendet e Ballkanit Perëndimor mundohen që ta krijojnë edhe një iniciativë të re”, tha Arifi.
Politologu Arifi shtoi se Kosova i është imponuar si “barrë” se kinse nuk po dëshiron të jetë pjesë e kësaj nisme.
“Shikoni, sot kanë nënshkruar për shembull marrëveshje për njohjen e diplomave universitare. Është qesharake. Kosova me Serbinë e kanë nënshkruar qe sa dhe nuk zbatohen. Pra nuk është problemi te Kosova, është problemi se si ja kanë imponuar Kosovës edhe një barrë kinse nuk po don, të paktën po portretizohet fotografia e tillë, që kinse Kosova është refuzuese. Cili shtet normal hyn në një inicataivë i vili nuk e di se si do të përfundojë?! Këtu është problemi”, tha Arifi.
Në Ohër të Maqedonisë së Veriut u mbajt sot samiti për “Ballkanin e Hapur”.
Në kuadër të këtij samiti, Shqipëria, Maqedonia e Veriut dhe Serbia kanë nënshkruar marrëveshje për luftën kundër evazionit fiskal, njohjen e diplomave të arsimit të lartë, bashkëpunimin kulturor dhe bashkëpunimin në fushën e turizmit. /Teve1.info/
