Selektori i Kombëtares së Kosovës, Sami Sermaxhaj, të hënën ka publikuar listën e futbollisteve për dy përballjet e play-offit për kualifikim në Ligën B të Ligës së Kombeve.
Në play-off, “Dardanet” do të përballen me Turqinë për inkuadrim në Ligën B, ndërsa Sermaxhaj ka ftuar 23 futbolliste.
Ndeshja e parë, do të luhet në Prishtinë më datën 24 tetor kurse ajo e kthimit pas katër ditësh në Izmir.
Kosova përfundoi e dyta në Grupin 6 të Ligës C të Ligës së Kombeve me shtatë pikë të mbledhura, një më pak se Letonia që u promovua direkt në Ligën B.
Kështu që, Kosova si e dyta në ranglistën e përgjithshme e siguroi play-offin për kthim në Ligën B.
Muajin e shkuar, “Dardanet” kanë mbajtur një grumbullim treditor, i cili i ka shërbyer selektorit Sermaxhaj për përgatitje sa më të mirë të ekipit, me të cilin ka në dispozicion edhe disa ditë para duelit të parë.
