Winterthuri duket të jetë kundërshtari i pëlqyer i Xherdan Shaqirit në Superligën e Zvicrës në futboll.
Të shtunën 34-vjeçari ishte më i miri në fitoren 3:0 të Baselit ndaj Winterthurit. Shënoi gol dhe asistoi.
Pas kthimit te Baseli, Shaqiri ka luajtur katër ndeshje me Winterthurin. Dhe i ka katër gola e gjashtë asistime kundër kësaj skuadre.
Të shtunën luajti vetëm 73 minuta dhe u pushua për ndeshjen në Ligën e Evropës. Baseli përballet të enjten me ish-skuadrën e Shaqirit, Lyonin.
Shaqiri këtë edicion në elitën helvetike i ka pesë gola e pesë asistime në nëntë paraqitje.
