Një person është gjetur pa shenja jete sot në mëngjes në një veturë në qytetin e Pejës. Lajmin e ka konfirmuar për Tëvë1 zëdhënësi i Policisë së Kosovës për Rajonin e Pejës, Fadil Gashi.
“Sot në orën 09:10 policia është njoftuar se në rrugën ‘Papa Klementi’ në Pejë një person është në një veturë, e ku dyshohet se është pa shenja jete. Është njoftuar ekipi mjekësor ku është konstatuar vdekja e tij,” tha Gashi.
Sipas tij, menjëherë pas marrjes së informacionit, në vendin e ngjarjes kanë dalë njësitet përkatëse të Policisë së Kosovës dhe ekipi mjekësor, të cilët kanë konfirmuar vdekjen e personit.
“Ekipet relevante janë duke u marrë me rastin për të sqaruar rrethanat dhe shkaqet e vdekjes,” theksoi më tej Gashi.
