Në samitin “Ballkani i Hapur” që po mbahet të mërkurën në Oher, Varhelyi tha se kjo iniciativë mund të jetë mundësi për përshpejtimin e rrugës drejt Bashkimit Evropian, shkruan Teve1.info
“E marrë këtë ftesë si një ftesë që BE-ja të jetë pjesë e këtij procesi. Dhe do të dëshirojë të fillojë pikërisht me këtë sepse mendoj se iniciativa ‘Ballkani i Hapur’ nuk është vetëm e mirë, por ajo është mundësi me të cilën përballet rajoni me dekada të tëra. Mund të jetë edhe mundësi për përshpejtimin e rrugës drejt BE-së”, tha ai.
Varhelyi tha se “Ballkani i Hapur” është iniciativë e nisur nga vet rajoni dhe jo nga BE-ja e SHBA-ja.
“Por të jem i sinqertë me ju, kjo nuk është interesante për njerëzit tanë në BE apo për njerëzit e Ballkanit Perëndimor. Vlerësojë se pyetja kyçe e qytetarëve të Ballkanit është kur do të jetojmë siç jetojnë në Evropë? Kur do t’i kemi mundësitë e njëjta ekonomike dhe shoqërore si i kanë njerëzit në BE? Kur do të përjetojmë që të gjitha barrierat të eliminohen. Integrim i vërtet fillon me ekonominë dhe shoqërinë, prandaj isha i kënaqur kur e dëgjova minishengen që del nga rajoni. Kjo është një arritje e rëndësishme e rajonit, sepse rajoni e bëri këtë ide, nuk ishte SHBA dhe ne, por vet rajoni. Ata e shpikën këtë ide, të jem i drejt filluam ta shfrytëzojmë këtë ide”, ka thënë ai. /teve1.info/
