Policia e Kosovës ka njoftuar se ka arrestuar një person të dyshuar i cili kishte hyrë një objektin e një kolegji në Novobërdë dhe me një aparat për fikjen e zjarrit kishte shkaktuar dëme materiale.
Bëhet e ditur se personi i arrestuar kishte thyer xhamat e dritareve, karrige, dyer dhe gjithçka tjetër që kishte hasur para verës, shkruan teve1.info.
“Është arrestuar i dyshuari mashkull kosovar për shkak se kishte hyrë në objektin e një kolegji dhe me një aparat për fikjen e zjarrit kishte shkaktuar dëme materiale duke thyer xhamat e dritareve, karrige, dyer dhe gjithçka qa ka hasur para vetes”, thuhet në njoftim.
Në raportin 24 orësh të policisë gjithashtu bëhet e ditur se i dyshuari gjatë arrestimit ka rezistuar dhe si pasojë e kësaj ka pësuar lëndime një zyrtar policor.
“I dyshuari duke shkaktuar dëme është zënë në flagrancë nga njësiti policor dhe gjatë arrestimit ka rezistuar dhe si pasoj një zyrtar policor ka pësuar lëndime. Me vendim të prokurorit i dyshuari është dërguar në mbajtje për 48 orë”, thuhet tutje në raport.
