Përmes një njoftimi për media nga kjo komunë kanë thënë se deri më tani janë prerë dhe krasitur drunjtë në rrugën “Abedin Rexha” dhe në “Parkun e Qytetit”.
“Komuna e Prishtinës nëpërmjet Hortikulturës dhe Organit Mbikqyrës është në proces të vazhdueshëm të identifikimit dhe eliminimit të drunjve të dëmtuar të cilët paraqesin rrezik potencial si rezultat i kushteve të rënda atmosferike, si dhe krasitjes së disa prej tyre për të evituar rrezikun nga kabllot e rrymës. Deri tash është bërë realizimi i prerjeve dhe krasitjeve në rr. ‘Abedin Rexha’ dhe në ‘Parkun e Qytetit’”, thuhet në njoftim.
Sipas njoftimit, planifikohet që me të njëjtat procedura të vazhdohet edhe në disa rrugë të tjera të Prishtinës që drunjtë mund të paraqesin rrezik për qytetarët.
“Planifikohet që me të njëjtat procedura do të vazhdohet sot në ‘Tauk Bashqe’, në rr. ‘Simon Shiroka’ – Zona Qendër, në rr. ‘Jonuz Zejnullahu’ dhe në vende të tjera që mund të paraqesin rrezik për qytetarët”, thuhet më tej në njoftim. /teve1.info/
