Kandidati i PDK-së për kryetar të Prizrenit, Shaqir Totaj, është shprehur i bindur në fitoren e tij pas mbylljes së procesit të votimit, duke thënë se partia e tij ka dalë e para me një diferencë të madhe ndaj garuesit të dytë.
“Jemi të parët me një diferencë të madhe nga i dyti. Keni treguar kulturë politike, ashtu siç i ka hije një qytetari të Prizrenit. I falënderoj të gjithë përkrahësit, qytetarët, strukturat e PDK-së dhe listën e kandidatëve që ishim bashkë gjatë fushatës”, tha Totaj.
Ai shtoi se pret rezultatet përfundimtare nga KQZ-ja për të vazhduar me punën dhe projektet e reja në komunë.
“E presim rezultatin final për të vazhduar më pas me projektet dhe me punë, pasi që në Prizren ka shumë punë. Do të jemi edhe më të suksesshëm”, theksoi Totaj. /teve1.info/
