Kryediplomati grek do të pritet nga presidentja e Kosovës, Vjosa Osmani si dhe zëvendëskryeministri Besnik Bislimi.
Nga Zyra e Presidencës kanë bërë të ditur se takimi mes Osmanit dhe Dendias do të fillojë nga ora 15:00.
Po ashtu, Dendias do të takohet edhe me kryeministrin, Albin Kurti.
Ndërkaq, në njoftimin për media nga MPJ e Greqisë kanë thënë se diskutimet gjatë vizitës pritet të fokusohen në bashkëpunimin ndërmjet Athinës dhe Prishtinës në fusha të ndryshme, si ekonomi, energji, kulturë, shkencë, shëndetësi, arsim dhe turizëm.
Ministri i Punëve të Jashtme të Greqisë, Nikos Dendias vizitoi Prishtinën në qershor 2021 dhe tetor 2020. /teve1.info/
