Kryetari akutal i Gjilanit, Alban Hyseni i ka falënderuar qytetarët për përkrahje dhe mbështetje gjatë fushatës.
Hyseni ka thënë se një muaj fushatë ka qenë sipas tij e jashtëzakonshme duke takuar njerëz dhe duke realizuar takime.
Ai po ashtu ka falënderuar edhe qendrën e LVV-së në Gjilan.
“Besoj që kjo është referenca e vetme që na duhet, por para numërimit të votave dhe rezultateve më lejoni që nga thellësia e shpirtit dhe e zemrës t’ju falënderoj të gjithëve për përkrahjen dhe mbështetjen tuaj. Ka qenë një muaj fushate e jashtëzakonshme që kemi takuar me mijëra njerëz, kemi realizuar me qindra takime dhe kemi gjetur ngrohtësi kudo që kemi shkuar dhe me këdo që jemi takuar deri sonte, në këtë rast më lejoni ta falënderoj LVV qendrën në Gjilan”, ka deklaruar Hyseni./teve1.info/
