Steven Bergwijn mund të jetë në mesin e lojtarëve që afrohen në ‘San Siro’ në merkaton e verës, sipas raportimeve të fundit nga Italia.
Ylli i Tottenham Hotspur nuk është në planet afat-gjate të skuadrës londineze dhe kjo ka bërë që Milan të interesohen për të. ‘Rossoneri’ nuk kanë nisur akoma negociatat me Spurs për kartonin e holandezit 24 vjeçar’.
Sulmuesi do të ishte një shtysë e madhe për krahun e djathtë të sulmit të Milan, që mbulohet nga Junior Messias e Saelemaekers.
Futbollisti holandez te Totenham, është transferuar në janar të vitit 2020, për 30 milionë euro, nga skuadra e PSV.
Bergwijn ka regjistruar vetëm nëntë paraqitje nën urdhrat e Antonio Conte dhe Milan mund të jetë mundësi e mirë për të, për të rigjetur formën e tij të lartë.
