Kryetari i Nismës Socialdemokrate, Fatmir Limaj, mori pjesë në tubimin në Malishevë, duke i dhënë mbështetje kandidatit të kësaj partie për kryetar të Malishevës, Ekrem Kastrati.
Ai tha se tubimi ishte më shumë se një tubim politik në të cilin sipas tij, qytetarët i dhanë fund çdo dyshimi.
“Kjo është Malisheva që pamë sot, e bashkuar, e qartë dhe e vendosur.Tubimi i sotëm ishte më shumë se një ngjarje politike ishte një manifestim i vullnetit qytetar për vazhdimësi, për seriozitet dhe për zhvillim të qëndrueshëm. Ishte përgjigja më e mirë që qytetarët i dhanë çdo dyshimi, Ekrem Kastrati gëzon besimin që po forcohet çdo ditë. Malisheva nuk ka kohë për eksperimente. Ajo ka zgjedhur rrugën e punës, të përkushtimit dhe të rezultateve”, ka shkruar ai.
