Policia e Kosovës ka arrestuar mbrëmë personin e dyshuar për veprën penale “Vrasje në tentativë”, që kishte ndodhur më 23 prill 2025, në rrugën “Rexhep Krasniqi” në Prishtinë.
Sipas njoftimit të Policisë, arrestimi është kryer nga njësitë e stacionit Veriu në Prishtinë, pas zhvillimit të veprimeve operativo-hetimore në kuadër të hetimit të rastit.
I arrestuari, V. S. (28 vjeç), shtetas i Republikës së Kosovës, ishte shpallur më herët në kërkim policor.
“Ndaj të dyshuarit policia vijon hetimet në drejtim të veprës penale ‘Vrasje në tentativë’. Me aktvendim mbi ndalimin e personit të dyshuar, të nxjerrë nga prokurori i shtetit, i njëjti është dërguar në mbajtje për 48 orë”, thuhet në njoftimin e Policisë së Kosovës.
