Kandidati i LVV-së për kryetar të Obiliqit, Halil Thaçi ka prezantuar planprogramin e tij për një qeverisje të ardhshme në këtë komunë.
I ftuar në emisionin “ Mesditë” në Tëvë1, Thaçi ka premtuar investime në arsim dhe në infrastrukturë.
Derisa, ai premtoi që në gjashtë mujorin e parë në çdo fshat të komunës së Obiliqit, qytetarët do të furnizohen me ujë.
Madje, ai ka shprehur gatishmëri për bashkëpunim me të gjitha ndërmarrjet publike.
“Ne e kemi një plan program të detajuar kur jemi tek ambienti, ndërtimi i impianteve të ujërave të zeza në Obiliq e Milloshevë, pastaj mbjellja e drunjve. Sigurisht që në gjashtë mujorin e parë në asnjë fshat në komunën e Obiliqit nuk do të mbetën të pa furnizuar me ujë. Synojë që të kem bashkëpunim me të gjitha ndërmarrjet publike dhe jo të ngris padi për to, bashkëpunimi është shumë i rëndësishëm si qeverisje e ardhshme. Arsimi në komunën e Obiliqit ka mungesë të theksuar të ambienteve shkollore, po flasim për qytetin e Obiliqit ku nxënësit në shkollën fillore mbajnë mësim ende me dy ndërrime, ne kemi premtuar ndërtimin e aneksit shkollor në shkollën “Ibrahim Rugova” që është shumë i rëndësishëm”, ka deklaruar Thaçi./teve1.info/
