Kryeministri në detyrë i Kosovës, Albin Kurti njëherit kryetar i Lëvizjes Vetëvendosje, ka thënë se në Pejë duhet të ndryshohet kryetari.
Ai ka thënë se kandidati i tyre për kryetar të Pejës, Taulant Kelmendi i duhet këtij qyteti
“Peja ka potencial të madh zhvillimor. Qyteti dhe qytetarët të cilëve duhet t’iu kushtohen vëmendje e politika që nxisin zhvillimin, nuk kanë qenë në mendjen e kryetarit aktual. Prandaj kur nuk i ndryshohet mendja kryetarit, duhet ta ndryshojmë kryetarin e ta sjellim një të ri që me përkushtim e dije mendon dhe vepron për Pejën, sikurse zëvendësministri i Arsimit e kandidati ynë nga Lëvizja VETËVENDOSJE!, Taulant Kelmendi. Pejës i duhet Taulanti, si kryetar i cili qeveris me qytetarët e për qytetarët dhe trajton e gjen zgjidhje për problematikat e tyre. Andaj në këto gjashtë ditë të mbetura të fushatës, duhet të trokasim në çdo derë, të çdo shtëpie, rruge e lagjeje, të fshatrave e qytetit, që t’i bashkojmë të gjithë për ndryshimin që kaq shumë i duhet Pejës. Me qeverisjen tonë, bashkë me qytetarët, do ta bëjmë Pejën qytet të zhvillimit ekonomik e dinjitetit qytetar”, ka shkruar Kurti në Facebook.
