Ministrja e Jashtme e Suedisë, Maria Malmer Stenergard, tha të dielën se raportet që pretendojnë se aktivistja e klimës Greta Thunberg, e cila aktualisht është e ndaluar në Izrael, është keqtrajtuar janë “shumë serioze” nëse konfirmohen.
“Edhe para arrestimit, ne ia kishim përcjellë Izraelit rëndësinë e respektimit të sigurisë dhe të drejtave konsullore të qytetarëve suedezë”, tha Malmer Stenergard në një deklaratë për agjencinë suedeze të lajmeve TT.
“Kam marrë shënim raportet për akuzat për trajtim abuziv. Nëse raportet janë të vërteta, kjo është shumë serioze. Ministria e Punëve të Jashtme dhe ambasada po punojnë për të sjellë qytetarët suedezë në shtëpi sa më shpejt të jetë e mundur”, shtoi ajo.
Ministri përsëriti se Suedia kishte “theksuar se nevojat për ushqim dhe ujë duhet të plotësohen dhe se të gjithë të ndaluarve duhet t’u jepet mundësia të takohen me avokatë nëse dëshirojnë”.
Ajo tha se Suedia ka “forcuar përgatitjen e saj në Tel Aviv me stafin e Ministrisë së Punëve të Jashtme në Stokholm”.
