Kryeministri në detyrë i Kosovës, Albin Kurti njëherit kryetar i Lëvizjes Vetëvendosje, ka qëndruar të dielën në Skenderaj, ku nga aty ka dhënë akzua të për qeverisjen lokale dhe kandidatin e PDK-së për kryetar të kësaj komune, Sami Lushtakun.
Ai ka thënë se pushteti aktuale atje i drejtuar nga PDK nuk ka as program e as ide, ndërsa dukje u referuar Sami Lushtakut të cilin e ka quajtur multi-milioner, ka thënë se ai kënaqet kur i frikësohen njerëzit.
“Në Skenderaj pushteti aktual nuk ka as program e as ide. Pabarazitë në Skenderaj, me multi-milionerin ish komandant i cili kënaqet kur i frikësohen njerëzit, janë devijim nga sakrifica e madhe e dëshmorëve, martirëve dhe të gjithë kontribuesve për çlirim të Kosovës, liri të popullit dhe shtet të pavarur. Funksionet publike janë për shërbim me përkushtim e jo për pasurim me sundim”, ka shkruar Kurti në Facebook.
Ai ka thënë se kandidati i tyre për kryetar të kësaj komune, Hysni Mehani është mundësia dhe garancia që kërkesat e qytetarëve të plotësohen.
“Ne e kemi Hysni Mehanin, aktivist i devotshëm e asamblist tejet aktiv, i dijshëm, modest e trim, që nuk ndan e nuk përçan, por afron e bashkon. Ai është mundësia e juaj dhe garancia jonë që nevojat e kërkesat e qytetarëve plotësohen kurse vizioni dhe projektet për Skenderaj jetësohen.Me Hysni Mehanin shërbejmë me pasion, dije e punë. Skenderaj me të në krye pas 12 tetorit me pendën e Kuçicës gjen zgjidhje për problemin me ujë të pijes, ndërtojmë çerdhe të reja për fëmijët, realizojmë ngrohtoren e qytetit, trafikun publik, pishinën gjysmë-olimpike, parqet me lodra për fëmijë, parkun teknologjik inovativ, shteg për ecje e vrapim si dhe zvogëlojmë numrin e drejtorive komunale me qëllim orientimin e buxhetit për më shumë investime kapitale”, ka shkruar Kurti.
