Kryetari i PDK-së, Memli Krasniqi ka thënë se rinia e Kosovës është forca që e mban gjallë PDK-në dhe e çon përpara Kosovën.
Kreu i PDK-së ka shkruar se PDK-ja e sheh rininë si forcë vendimmarrëse, përgjegjësi dhe e ardhme.
“Rinia është forca që e mban gjallë PDK-në – dhe që e çon përpara Kosovën! Kënaqësi dhe krenari e madhe të qëndrosh përballë brezit të ri të PDK-së, djemve e vajzave që po i japin kuptim të ri politikës sonë. Në këto zgjedhje, PDK garon me 237 të rinj nën moshën 30 vjeç për kuvendet komunale dhe për kryetarë të komunave. Kjo është dëshmia më e qartë se PDK është partia e rinisë, e energjisë dhe e shpresës. PDK nuk e sheh rininë si dekor, por si forcë vendimmarrëse. Si përgjegjësi. Si të ardhme. Prandaj, besimi në rini në PDK vazhdon brez pas brezi – sepse ndër ta janë kryetarët e ardhshëm të partisë, përfaqësuesit e popullit në Kuvend dhe liderët e institucioneve të shtetit”, ka shkruar Krasniqi në Facebook./teve1.info/
