Aliu ka bërë të ditur se për gati një vit janë mbjellur mbi 848 mijë fidane të reja, teksa ka theksuar se mbrojtja e mjedisit është prioritet i tyre, shkruan teve1.info
“Kur kanë mbetur edhe 4 muaj deri në përmbushjen e një viti të plotë që nga fillimi i mbjelljeve, nëpër komunat e Kosovës tashmë janë mbjellur 848,106 fidane të reja, e në muajt në vijim, do të vazhdojë bashkëpunimin me biznese, komuna dhe mërgatën për ripyllëzim e gjelbërim të mëtejshëm. Mbrojtja e mjedisit është prioriteti ynë i përbashkët. Për ditë më të gjelbra, pyje më të mbrojtura e mjedis më të shëndetshëm”, ka shkruar ai në Facebook.
Ministri Aliu ka shtuar se së bashku me presidenten Vjosa Osmani dhe ministrin e Bujqësisë Faton Peci, janë zotuar se do ta bëjnë ambientin më të bukur e të këndshëm. /Teve1.info/
