Deputeti nga komuniteti serb, Nenad Rashiq ka deklaruar se partitë shqiptare më të mëdha në Kosovë PDK, LDK dhe AAK kanë bërë një barrikadim politik.
I ftuar në emisionin “Mesditë” në Tëvë1, Rashiq thotë se këto parti politike kanë fuqizuar parimet e tyre dhe janë duke vazhduar edhe sot, ku siç tha ai, nuk pret votë prej tyre.
Ndërsa, sa i përket votimit për Emilija Rexhepin, deputeti serb thotë se votimi ndaras ka qenë antikushtetues.
“Partitë politike më të mëdha në Kosovë e kanë bërë një barrikadim politik ku qëndrimet e veta i kanë theksuar njëherë dhe pastaj kanë vazhduar që t’i fuqizojnë ato parimet e tyre dhe kanë vazhduar deri sot, prandaj kemi humbë këto 6 muaj sa i përket mos konstituimit të Kuvendit dhe tash kjo vazhdon në mënyrë që secili prej atyre partive eventualisht kanë mundur të votojnë, nuk besoj që votojnë sepse kaq gjatë i kanë ato parime ato barrikadim. Votimi ndaras me Emilija Rexhepi ka qenë antikushtetues. Në politikë duhet të jesh fleksibil, tolerant, duhet gjithqysh të gjesh rrugën e duhur sa i përket ndërtimeve të institucioneve, unë e shoh si një parim kryesor”, ka deklaruar Rashiq./teve1.info/
