Katër persona janë arrestuar nga Policia e Kosovës pasi të njëjtit janë përfshirë në konflikt fizik me disa persona të tjerë.
Sipas raportit të Policisë së Kosovës, në këtë rast dyshohet se është përdorur edhe armë zjarri, transmeton KosovaPress.
Nga vendi i ngjarjes janë gjetur dhe konfiskuar katër gëzhoja, ndërsa të dyshuarit me vendim të prokurorit janë dërguar në mbajtje.
“Rr. Adem Jashari, Pejë / 02.10.2025 – 08:36. Janë arrestuar katër të dyshuar meshkuj kosovarë pasi që janë përfshirë në një rrahje me disa persona tjerë. Në rast dyshohet se është përdorur edhe armë zjarri. Në vendin e ngjarjes janë gjetur dhe konfiskuar katër gëzhoja. Nuk raportohet për të lënduar, ndërsa me vendim të prokurorit të dyshuarit janë dërguar në mbajtje”, thuhet në raportin e Policisë së Kosovës.
