Lajmin për teve1.info e ka konfirmuar zëdhnësi i Policisë së Kosovës për rajonin e Gjakovës, Sheremet Elezaj i cili bëri të ditur se vdekja e tij është konstatuar në Spitalin Rajonal në Prizren.
“Me datë 06.06.2022 në ora 15:55, përmes thirrjes emergjente 112, Stacioni Policor – Rahovec është njoftuar se në fsh. Zatriq-Rahovec si pasojë e kushteve atmosferike dy persona (shtetas turk), derisa kishin qenë duke punuar, dyshohet të jenë goditur nga rrufeja. Patrullat policore së bashku me autoambulancë kanë dal në vendin e ngjarjes. Njëri nga viktimat (lindur në vitin 1988) është dërguar në Spitalin Rajonal në Prizren, atje mjeku kujdestar ka konstatuar vdekja e tij”, tha Elezaj.
Kurse, personi tjetër që është goditur nga rrufeja, Elezaj bën të ditur se është dërguar për mjekim në Qendrën Klinike Universitare të Kosovës për trajtim të mëtutjeshëm mjekësor.
“Ndërsa viktima tjetër (lindur në vitin 1994) fillimisht është dërguar në QKMF në Malishevë dhe pastaj në QKUK-Prishtinë. Sipas mjekut kujdestar në QKUK gjendja e viktimës në fjalë është jashtë rrezikut për jetë. Në vendngjarje kanë dalë njësitet relevante të policisë si dhe është njoftuar Prokurori i Shtetit, sipas të cilit është iniciuar rast ‘Hetim i Vdekjes’”, shtoi ai./teve1.info/
