I ftuar në “Ditari” në Tëvë 1, Ahmeti thotë se veteranët janë shtresa me gjendjen më të rëndë ekonomike në vend për shkak të pensionit mujor që ata marrin.
“Fillimisht duhet me cek që protesta e veteranëve ishte me kërkesa të drejta, ne e dijmë që veteranët e UÇK-së janë arsyeja kryesore se Kosova ekziston si shtet. Ndërkohë gjendja ekonomike e tyre, ata janë shtresa me gjendjen më të rëndë në Kosovë. Veterani i UÇK-së sot i merr 170 euro pension ndërkohë nuk e ka të lejuar të punojë një punë tjetër sepse momentin që fillon me punu diçka i ndalet pensioni. Pra, sot veterani i UÇK-së, të vetmen të ardhur që mund ta ketë është pensioni prej 170 euro”, tha ai.
Madje, ai ka kujtuar edhe protestat e Lëvizjes Vetëvendosje sa ishin në opozitë të cilët sulmonin institucionet – duke iu referuar deklaratave të deputetes së këtij subjekti politik, Mimoza Kusari – Lila.
“Reagimi i Qeverisë përmes Kusari – Lilas ishte i dobët pra e pamë që bënin thirrje të ruhen institucionet, të kenë kujdes ndërkohë seciliit prej nesh i kujtohet LVV në opozitë, nuk ka pasur respekt për objektet si institucion dhe sot e shohim Kusarin sepse gjithmonë ka qenë në qeveri duke reagu në atë formë”, shtoi ai./teve1.info/
