Përmes një postimi në Facebook, Krasniqi ka thënë se ngjarjet e ditës së sotme të protestës së veteranëve janë pamje që asnjë qytetar i Kosovës nuk do të donte t’i shihtem shkruanj teve1.info.
“Pushteti i Vetëvendosjes i udhëhequr nga “veterani” i rrejshëm Albin Kurti, sot tregoi fytyrën e vërtetë me përbuzjen publike që u bëri luftëtarëve të lirisë. Ngjarjet e sotme në Kuvendin e Kosovës dhe trajtimi i padinjiteshëm i veteranëve të Ushtrisë Çlirimtare të Kosovës nga pushteti i Albin Kurtit, ishin pamje që asnjë qytetar i Kosovës nuk do të donte e as nuk do të duhej t’i përjetonte”, ka shkruar ai.
Krasniqi i ka cilësuar si të pa pranueshëm dhe të pa falshëm veprimin ndaj veternëve.
Ai ka theksuar se mbi guximin dhe sakrificën e këtyre veteranëve është ndërtuar shteti dhe institucionet e Kosovës.
“Kjo fyerje e ky diskriminim ndaj veteranëve të vërtetë, edhe përmes iniciativave ligjore, ku kryeministri i Kosovës i trajton luftëtarët e lirisë – kategorinë më meritore për lirinë tonë – si qytetarë të rendit të dytë, është i papranueshëm dhe i pafalshëm.Albin Kurti dhe shërbëtorët e tij të verbër duhet ta dijnë që mbi guximin dhe sakrificën e këtyre veteranëve, ne kemi ndërtuar shtet e institucione, në të cilat ata sot janë strukur e po orkestrojnë politika diskriminuese ndaj tyre”, është shprehur Krasniqi.
Ai tutje ka deklaruar se “Partia Demokratike e Kosovës, si lidere e opozitës, me çdo mjet demokratik do të mbështesë të drejtat e veteranëve dhe nuk do të lejojë përbuzjen e çlirimtarëve tanë në këtë mënyrë”.
