Presidenti izraelit, Benjamin Netanyahu filloi konferencn e prbashkët me presidentin amerikan, Donald Trump duke falënderuar këtë të fundit që e priti përsëri në Shtëpinë e Bardhë dhe për “miqësinë dhe udhëheqjen” e tij.
Ai e ka quajtur Trumpin “mikun më të madh që Izraeli ka pasur ndonjëherë në Shtëpinë e Bardhë” dhe thotë se askush tjetër nuk i afrohet atij.
Netanyahu ka thënë se takimi i sotëm është një hap kritik jo vetëm për t’i dhënë fund luftës në Gaza, por edhe për të vendosur rrugën për paqe në të gjithë Lindjen e Mesme.
“Unë mbështes planin tuaj për t’i dhënë fund luftës në Gaza”, thotë Netanyahu, duke iu referuar planit të paqes me 20 pika të Trump.
Kryeministri izraelit thotë se plani do të sigurojë që Izraeli të mos jetë përsëri nën kërcënimin e Hamasit.
Ai thotë se të gjitha palëve po u jepet mundësia ta bëjnë këtë në mënyrë paqësore, por nëse Hamasi e refuzon planin, ose supozohet se e pranon atë dhe pastaj nuk e zbaton, “ne do ta përfundojmë punën”, thotë ai.
“Kjo mund të bëhet në mënyrën e lehtë ose mund të bëhet në mënyrën e vështirë, por do të bëhet”, tha ai, citon BBC.
Ai vazhdon duke thënë se Autoriteti Palestinez nuk mund të ketë asnjë rol në Gaza pa iu nënshtruar një “riorganizimi radikal dhe të vërtetë”.
