Me 12 shtator, Shtetet e Bashkuar të Amerikës vendosën të pezullojnë dialogun e planifikuar strategjik me Kosovë.
E gjithë sipas njoftimit të ambasadës, ky vendim erdhi sepse veprimet e Qeverisë në detyrë, kanë “rritur tensionet dhe paqëndrueshmërinë, duke kufizuar aftësinë e Shteteve të Bashkuara për të punuar në mënyrë produktive me Kosovën mbi prioritetet e përbashkëta”.
Pas dy javëve, pikërisht në Washtington, kryeministri në detyrë, Albin Kurti komentoi këtë vendim të Amerikës.
“Arsyeja e pezullimit të Dialogut të planifikuar Strategjik] është për shkak të sundimit të ligjit në veri të Kosovës, i cili rezultoi të ishte kundër strukturave ilegale serbe dhe këtu nuk mund të bëj kompromise. Nuk mund t’ia lë këtë problem brezit tuaj. Mendoj që brezi im është ai që duhet ta përfundojë këtë”, tha Kurti.
Por sipas analistit, Avdi Smajljaj, kjo deklaratë e Kurtit në SHBA nuk është një deklaratë strategjike e cila do të duhej të thuhej nga një shef qeverie.
“Si deklaratë mendoj që është e ngutshme, nuk do të duhej që kryeministri i Kosovës të definonte relacionin dhe qasjen e SHBA-ve ndaj Kosovës si një qasje instrumentaliste për siç thotë ai për të larguar ndikimin e Rusisë tek Serbia, pasi largimi i Rusisë tek Serbia është interes edhe SHAB-së edhe I Kosovës edhe Ballkani edhe paqes në botë”, thotë Smajljaj.
Deklarata të tillë sipas Smajljaj mund të kenë pasoja për vendin.
“Pezullimi i dialogut strategjike ka qenë si një lloj vërejtje dhe tani kjo perigje mund ta shtyjë SHBA-në që të ndërmarrë veprime të tjera të cilat mund të dëmtojnë edhe më shuam vendin tonë, sa i përket relacionit Kosove-SHBA, një gjë të cilën Serbia është duke punuar me te madhe pasi e dinë që mbështetja më e madhe, ajo nga e cila kemi arritur deri këtu është fal mbështetjes së SHBA-së”, thotë ai.
Kurse sipas njohësi të rrethanave politike, Blerim Canaj, gjitha këto Kurti po i bënë për fushatë zgjedhore.
“Kjo deklaratë së pari është deklaratë fushate pasi sic e dimë gjatë fushatës z.Kurti e ka si ves të thotë ligji, gjykata, e në fakt kemi të bëjmë me personin që më së shumti i ka shkelur ligjet e Kosovës mendoj që duhet të jetë i kujdesshëm në deklarata përderisa i thotë vetit kryeministër pasi në fund të fundit raportet me SHBA-në për Kosovën janë etike”, vlerëson Canaj.
Mes tjerash Kurti ka deklaruar e raporti Kosovë-SHBA është tridimensional: mbrojtje, zhvillim dhe diplomaci. Përderisa në dy shtyllat e para tha se nuk ka probleme, sa i përket diplomacisë, sipas tij, ka “pengesa”
