Sulmuesi i Kombëtares së Shqipërisë, Armando Broja ka rastin ideal për ta dëshmuar veten te skuadra e Burnleyt.
Broja pritet të jetë titullar te Burnley në ndeshjen e raundit të tretë të Kupës EFL, që e luan sot prej orës 20:45 në shtëpi ndaj Cardiff Cityt.
Sipas mediumeve në Angli, trajneri i Burnleyt, Scott Parker ka vendosur ti ofrojë më shumë minutazhë Brojës, i cili deri më tani nuk ka arritur ta dëshmojë veten.
Broja në total këtë sezon ka vetëm dy paraqitje për Burnleyn apo në total 64 minuta lojë prejse iu bashkua nga Chelsea për 20 milionë euro.
Sulmuesi 24-vjeçar i ka 63-të minuta në fitoren 2:1 ndaj Derbi Countyt në kuadër të raundit të dytë të Kupës EFL, ndërsa në Premier League e ka vetëm një minutë në humbjen 1:0 nga Liverpooli.
Broja ka kontratë me skuadrën e Burnleyt deri në verën e vitit 2030.
