Kryeministri i Shqipërisë, Edi Rama ka reaguar sërish kundër Gjykatës Specialen në Hagë, ku po akuzohen ish-krerët e Ushtrisë Çlirimtare të Kosovës. Ai ka postuar një video të dëshmitarit të prokurorisë, Agim Idrizi duke thënë se kjo është drejtësia ndërkombëtare për krime kundër njerëzimit.
“Ej medet vajmedet drejtësia ndërkombëtare për krime kundër njerëzimit”, ka shkruar ai.
Rama ditë më parë ka shkruar se në Hagë një proces shtangës ka njollosur keq drejtësinë ndërkombëtare.
Përndryshe, Agim Idrizi ishte dëshmitar i Zyrës së Prokuronit të Specializuar në gjykimin kundër Hashim Thaçit dhe të tjerëve nga komuna e Kaçanikut.
Hashim Thaçi, Kadri Veseli, Jakup Krasniqi e Rexhep Selimi akuzohen për krime të pretenduara të luftës. Ata ndodhen në paraburgim prej nëntorit të vitit 2020.
