John Duncan, i cili ishte këshilltar politik i ish-komandantit suprem të NATO-s, Wesley Clark, ka thënë se propozimi që Hashim Thaçi ta nënshkruante marrëveshjen për demitarilizimin u bë nga UÇK-ja.
Ai gjatë dëshmisë së tij në Hagë ka thënë se ai dëshironte që marrëveshja të nënshkruhej nga gjenerali, Agim Çeku për arsye siç ka thënë ai praktike pasi më të u angazhuan fillimisht.
Duncan ka thënë Thaçi nuk ishte i përfshirë në negociatat për marrëveshjen më 17 apo 18 qershor 1999, pasi siç u ishte thënë Thaçi nuk ishte i disponueshëm.
“Fillimisht ideja ishte që të nënshkruante gjeneral, Agim Çeku në emër të UÇK-së, për arsye praktike sepse ky ishte personi që ne u angazhuam fillimisht për nënshkrimin e marrëveshjes. Më datë 17 a 18, Z. Thaçi nuk ishte i përfshirë drejtpërdrejtë në negociata për marrëveshjen angazhuese. Neve na ishte thënë se nuk ishte i disponueshëm dhe për këtë arsye ne vendosëm emrin e gjeneralit Çeku”, ka thënë Duncan, raporton teve1.info
Ai tha se ndryshimi në nënshkrim u bë pas bisedave më 19 qershor, duke thënë se nuk e di kush e bëri ndryshimin, por ai tha se për të nuk ishte problem që ta nënshkruante Thaçi.
“Nuk më kujtohet ishte një ditë shumë e gjatë e tensionuar nuk lejova askënd që të hante drekë. Nuk e di kush e ka ndryshuar emrin, ka ardhur nga ana e UÇK-së që ta nënshkruanteThaçi”, tha ai.
Dëshmitari Duncan u pyet se pse në dokument i është referuar Hashim Thaçit si kryekomandant i UÇK-së, tha se ai titull është i zmadhuar.
“Unë nuk e di se kush e ka dhënë këtë si propozim… sipas mendimit tim bëhej fjalë për një titull të zmadhuar.., tha dëshmitari.
