Bekim Azizi, kandidat i PDK-së për kryetar komune në Viti ka thënë se pas 12 tetorit, Sokol Haliti i cili synon mandatin e katërt, nuk do të jetë më kryetar i kësaj komune.
Azizi i cili në zgjedhjet e vitit 2021 ka dalë i treti, ka thënë se në zgjedhjet e 12 tetorit do të jetë i pari.
“Tash i pari, me plani programin që është në interes të qytetarëve të Komunës së Vitisë. Sokol Haliti nuk do të jetë më kryetar i komunës”, ka thënë ai në emisionin “InfoNata” në Tëvë1.
Azizi ka thënë se plani i tij për udhëheqjen e komunës është gjithëpërfshirës.
“Plani do të jetë gjithëpërfshirës që përfshinë të gjitha shtresat dhe nevojat e qytetarëve. Rritje të cilësisë në arsim. Rregullimi i ujësjellësit për 15 fshatra që s’kanë fare. Rrija e kapaciteteve në fabrikë”, ka thënë ai.
Azizi ka premtuar ndërtimin edhe të çerdheve të reja ku ka thënë se duhet ndërtimi edhe i katër çerdheve të reja.
Sa i përket investime kapitale ai ka thënë se cilësia e asfaltimit të rrugëve, ndërsa ka premtuar edhe ndriçim publik e trotuare të reja.
“Rritja e cilësisë së punimeve në infrastrukturë, ky është dështimi më i madh në Viti. Mungon edhe mirëmbajtja”, ka thënë Azizi.
