Kryetari i Prishtinës, Përparim Rama, ka nënshkruar marrëveshje bashkëpunimi me kompaninë “ELKOS”, për ta kthyer parkingun e ETC-së në magjistralen për Fushë Kosovë në pjesë të sistemit “Park & Ride”.
Sipas tij, ky projekt do t’iu mundësojë qytetarëve që hyjnë nga drejtimi i Fushë Kosovës në Prishtinë të kenë hapësirën e destinuar për parking falas, si dhe të marrin biletë falas për transport urban drejt qendrës së qytetit.
“Kryeqyteti dhe “ELKOS” kanë nënshkruar bashkëpunimin për ta kthyer parkingun e ETC në magjistralen për Fushë Kosovë pjesë të sistemit Park & Ride!
Çfarë do të thotë kjo për qytetarët që vijnë në Kryeqytet?
* Parkoni veturën tuaj falas në parkingun e ETC në magjistralen për Fushë Kosovë
* Merrni biletë falas për autobusët urban
* Udhëtoni lehtë e shpejtë drejt qendrës së Prishtinës”, ka shkruar ai në Facebook.
Tutje Rama ka theksuar se ky sistem synon të zvogëloj kolonat dhe trafikun në qytet, të kursej kohë e para dhe të mbroj mjedisin.
