Kryetari aktual i Podujevës dhe kandidat edhe për një mandat, Shpejtim Bulliqi ka thënë se shumë shpejt do të përzgjidhet operatori ekonomik për ndërtimin e parkut bujqësor.
Ai ka thënë se një park i tillë do të jetë i pari në Kosovë dhe vlera e tij është mbi 1 milionë euro.
“Kemi hapur tenderë dhe presim që shpejtë të zgjidhe operatori ekonomik për ndërtimin e parkut bujqësor. Do të jetë parku i parë bujqësor në Kosovës që do të ndërtohet në komunën tonë ku një sipërfaqe pre 8 hektarëve, e tëra do të vihet t në serra ku fermerët tanë do të kenë mundësi t’i marrin me qera. Vlera është mbi 1 milionë euro investime”, ka thënë Bulliqi në emisionin “InfoNata” në Tëvë1.
Ai ka thënë se për gjatë mandatit të ardhshëm subvencionimi për bujqësi do të jetë 4 milionë euro, kurse nga janari i vitit të ardhshëm do të nisin subvencionimin e litrit të qumështit të prodhuar.
“Nga 1 janari i vitit të ardhshëm subvencionimin e litrit të qumështit të prodhuar dhe do të punojmë ë shumë me OJQ për të siguruar fonde në mënyrë që të kemi mundësi t’i subvencionojmë edhe bletarët dhe sektorët tjerë që kanë nevojë për ndihmë”, ka thënë ai.
Bulliqi ka thënë se do të ketë investime edhe në kulturë e sport, ku ka premtuar ndërtimin e palestrës sportive brenda vitit të ardhshëm.
