Deputeti shqiptar në Kuvendin e Serbisë, Shaip Kamberi, ka bërë të ditur se në Serbi po bëhen përgatitjet e fundit për futjen në funksion të shërbimit të detyrueshëm ushtarak.
Kamberi ka thënë se kjo nismë ka ngjallur shqetësim të madh te shqiptarët në Luginë të Preshevës, për shkak të përvojave të dhimbshme historike që ky komunitet ka pasur me shërbimin ushtarak në ish-Armatën Popullore të Jugosllavisë (APJ).
Kamberi, ka paralajmëruar se rikthimi i këtij shërbimi pa një përballje me të kaluarën dhe pa transparencë për rastet e së kaluarës, vetëm sa e shton pasigurinë e shqiptarëve në Luginë.
Sipas tij, është koha që institucionet serbe të hetojnë këto raste dhe të garantojnë se tragjeditë e së kaluarës nuk do të përsëriten.
