Kryetari i Nismës Socialdemokrate, Fatmir Limaj në hapjen e fushatës zgjedhore për zgjedhjet lokale ka deklaruar se fokusimi dhe përkushtimi për vendlindje tregon se sa e donë Kosovën.
Në fjalimin e tij Limaj u shpreh se dashuria e tij për Kosovën është aty ku është rritur dhe formuar.
“Fokusimi dhe përkushtimi ynë në bazë, në bërthamë, përcakton dhe tregon, përcaktimin tonë se sa e duam vendlindjen tonë, aty ku jemi rritur, aty ku jemi formuar, aty ku rrisim fëmijët tanë, nipërit dhe mbesat tona. Kjo është qasja ndaj atdheut, qasja ndaj komunës, qasja ndaj vendlindjes. Ta doni dhe ta vlerësoni shumë vendlindjen tuaj, të punoni fort”, u shpreh Limaj./teve1.info/
