Një person ka pësuar lëndime trupore nga një zjarr i cili ka përfshirë një dhomë të ndalimit në stacionin policor në Pejë.
Lajmin për tëvë1.info e ka konfirmuar zëdhënësi i policisë për rajonin e Pejës, Driton Rugova i cili tha se i lënduari është dërguar për tretman mjekësor.
Policia ka bërë të ditur se zjarri është shuar nga njësia e zjarrfikësve.
“Sot rreth orës 07:20, në Stacionin Policor në Pejë, është përfshirë nga zjarri një dhomë e ndalimit, si pasoj e këtij rasti një person ka pësuar lëndime te lehta trupore i njëjtit është dërguar për tretman mjekësor, ndërsa zjarri është shuar nga njësia e zjarrfikësve”, ka deklaruar Rugova./teve1.info/
