Rodrygo nuk është grumbulluar që prej momentit kur trajneri italian mori drejtimin e kombëtares braziliane.
Trajneri i Brazilit, Carlo Ancelotti, është përballur me kritika gjatë këtij afati kalimtar të FIFA-s për përjashtimin e Neymar dhe Rodrygo nga lista e lojtarëve për ndeshjet kundër Kilit (3-0) dhe Bolivisë, kjo e fundit do të luhet të martën.
Ndërsa situata me Neymar tashmë është sqaruar, italiani theksoi se ishte një vendim thjesht taktik dhe nuk kishte lidhje me ndonjë dëmtim, mungesa e Rodrygos ka ngritur shumë pikëpyetje.
Pavarësisht se është një nga emrat më të mëdhenj të Brazilit, sulmuesi i Real Madridit nuk është përfshirë në asnjërën nga dy grumbullimet e deritanishme të Ancelottit.
Të dy kanë punuar së bashku gjatë kohës së tyre në Spanjë, me Ancelottin që ka drejtuar Rodrygon te ‘Los Blancos’ nga viti 2021 deri në 2025.
“Sigurisht që kujtesa ka rëndësi. E njoh shumë mirë Rodrygon dhe jam i bindur që ai mund ta ndihmojë skuadrën”.
“Po vlerësojmë rreth 70 lojtarë, nga ana fizike, teknike dhe taktike, për të ndërtuar një skuadër sa më konkurruese për Kupën e Botës”.
“Nuk ka të preferuar, në fund të fundit, fusha do të vendosë se kush do të shkojë në Botëror”, tha Ancelotti në konferencën për shtyp.
