Sulmuesi Alexander Isak ka folur pas humbjes së Suedisë ndaj Kosovës në kuadër të kualifikimeve për Kupën e Botës 2026.
Dardanët kanë bërë befasinë e madhe duke mposhtur skandinavët me rezultat 2-0 në ndeshjen e dytë të Grupi B, ku golat u shënuan nga Elvis Rexhbecaj dhe Vedat Muriqi.
Pas ndeshjes ka folur edhe ylli më i madh suedez, Isak, i cili para disa ditësh kompletoi transferimin rekord në Ligën Premier te Liverpooli.
Isak e cilësoi si humbje të vështirë disfatën nga Kosova, teksa shtoi se paraqitje e kombëtares suedeze ishte e dobët.
“Një humbje e vështirë. Është e qartë se po performojmë dobët”, ka thënë fillimisht Isak për Viaplay.
“Pas një humbjeje si kjo, nuk ndihesh mirë. Jemi këtu me ekipin kombëtar dhe kemi pasur një ditë të vështirë dhe një humbje të vështirë. Atje qëndrojnë emocionet”, përfundoi ylli i Liverpoolit.
