Kombëtarja e Kosovës është në epërsi ndaj Suedisë pas pjesës së parë, në ndeshjen që po luhet në Prishtinë.
Në stadiumin “Fadil Vokrri” të mbushur me tifozë, Kosova po avancon 2:0 dhe është vetëm 45 minuta larg fitores së parë në kuadër të kualifikimeve për Kupën e Botës 2026.
Mesfushori Elvis Rexhbeçaj ka zhbllokuar rezultatin në minutën e 26-të pas një kundërsulmi të shpejtë për ta elektrizuar atmosferën në stadium.
Epërsinë e dyfishoi Vedat Muriqi (42′) pas bashkëveprimit me Albion Rrahmanin.
Ndeshja që i takon Grupit B kualifikues ishte intensive në pjesën e parë, me Kosovën që u vërsul në kërkim të golit të parë.
Në fakt, qysh në minutën e 10-të, Kosova pati rast të mirë kur doli përball portierit kundërshtar por gjuajti plogësht dhe topi përfundoi jashtë porte,
Tentim pati edhe Leon Avdullahu në minutën e 35-të por pa sukses, ndërsa Suedia vetëm në minutën e 25-të pati rast ideal nëpërmjet Viktor Gyokeresit, gjuajtjen e të cilit nga afërsia e dëboi portieri Arijanet Muriq.
Kjo është ishte gjuajtja e parë për Suedinë, pasi Kosova në 45 minutat e para ka luajtur mirë dhe duket se ka zbatuar ashtu siç duhet kërkesat e selektorit Franco Foda.
Kosova e nisi kampanjën kualifikuese me humbje të thellë 4:0 në udhëtim të Zvicra të premten, ndërsa Suedia barazoi 2:2 si mysafire e Sllovenisë.
